Institucionet ndërkombëtare në Tiranë hedhin poshtë pretendimin e opozitë paralmentare për ndryshimin e sistemit.
Përfaqësuesi i OSBE gjatë seancës dëgjimore në Këshillin e Legjislacionit ja bëri të qartë deputetëve të pakicës që në zgjedhjet e ardhshme parlamentare do të shkohet me këtë sistem zgjedhor, pasi nuk ka kohë për të hapur listat.
“Sipas praktikave më të mira ndërkombëtare të theksuara me forcë nga Këshilli i Europës, duhet të nisë të paktën 1 vit përpara zgjedhjeve të rradhës dhe duhet të jetë gjithëpërfshirës dhe transparent”.
Ndërsa Këshilli i Europës mendon që duhet të hyjë në lojë sërish Venecia, pasi sipas tyre është i domosdoshëm opinioni i Komisionit.
“Do ju sygjeroja edhe në konsultim me kolegët e Komisionit të Venecias, ata mirëpresin çddo kërkesë që mund të keni për këtë iniciativë”.
Qëndrimet e OSBE dhe Këshillit të Europës nuk janë mirëpritur nga ana e deputetëve të pakicës parlamentare.
“Këtu ishte Komisioni i Venecias, kishte 6 muaj. Thirre nesër ta fusin”.
Edhe Avokatja e Popullit rekomandon që të mos ndryshohet sistemi, pasi sipas saj, ky proces ka nevojë për dialog gjithëpërfshirës.
