Këngëtarja dhe modelja e njohur shqiptare, Morena Taraku, ka qenë një nga personazhet më të përfolur në media muajve të fundit.
Një skandal që ka të bëjë me veturën e saj të fundit, të cilën ajo e solli në Kosovë, ndikoi shumë që Morena të vihet në qendër të vëmendjes.
Megjithatë, ajo ende nuk është prononcuar rreth këtij rasti, duke zgjedhur vetëm heshtjen si opsion deri sa e vërteta të sqarohet plotësisht.
Megjithëse është tërhequr paksa nga postimet e shpeshta në rrjetet sociale, Morena së fundmi ka vendosur që të publikojë një shkrim të gjatë në InstaStory, duke ia dedikuar babait të saj.
Në mungesën e nënës të cilën ajo e ka humbur ndër vite, bukuroshja Taraku e ka gjetur mbështetjen gjithmonë te babai, me të cilin vazhdon ta potencojë se ka një lidhje shumë të ngushtë.
Në vazhdën e shkrimeve dedikuar të atit, Morena arriti që t’i emocionojë një pjesë të mirë të ndjekësve të saj.
