Ministri i Sportit në Itali tregon se a do të fillojë Serie A

0
35
blank
Gjigandi

Ministri i Sportit: Stërvitjet ekipore ende ta ndaluara, s’i dihet kur rifillon Serie A.

Ministri i Sportit i Italisë, Vincenzo Spadafora, i ka paralajmëruar klubet e Serie A se stërvitjet ekipore nuk do të jenë të lejueshme para 18 majit dhe ka këmbëngulur se ende nuk ka datë se kur mund të rifillojë sezoni 2019/20.

Spadafora e kishte hedhur poshtë fillimisht idenë për t’i lejuar sportet ekipore të riktheheshin në stërvitje me ato individuale, gjë që do t’i detyronte klubet e Serie A të prisnin deri më 18 maj për t’i hapur dyert e qendrave stërvitore.

Por ai e ndryshoi mendjen shpejt dhe qeveria ua dha klubeve dritën e gjelbër t’i hapin qendrat stërvitore nga kjo e hënë për stërvitje individuale.

“Disa gjëra të çuditshme po thuhen, por asgjë nuk ka ndryshuar rreth asaj çfarë kam thënë unë për futbollin: stërvitjet ekipore nuk do të rifillojnë para 18 majit dhe rifillimi i sezonit është diçka për të cilën nuk është folur vërtet”, shkroi Spadafora në Facebook.

“Më vjen keq por tani për tani më parë do të përqendrohesha në të gjitha sportet e tjera (palestër, qendrat e vallëzimi, pishinat e notimit etj.) të cilat duhet të hapen patjetër sa më shpejt”, shtoi ai.

Ai e bëri të qartë se klubet nuk guxojnë të stërvitin në grup, por vetëm në grupe shumë të vogla dhe individualisht.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu