Mercedes do të paraqesë një gjeneratë të re të S-Class.
S-Class i ri nuk heq dorë nga modeli i tij i jashtëm dallues, e aq më pak nga luksi i tij. Është një mjet lundrimi që do të vazhdojë të ofrojë rehati të pashembullt të drejtimit, por tani me teknologji të rishikuar plotësisht, transmeton Telegrafi.
Një rehati të paparë, një luks i jashtëzakonshëm, duke shikuar një film në internet dhe duke dëgjuar muzikë, e gjithë kjo ofrohet nga klasa e re S, por në një mënyrë krejtësisht të re.
Kjo është një makinë në të cilën shefi ulet në pjesën e pasme, kështu që Mercedes e ka projektuar makinën me vëmendje të veçantë në pjesën e pasme. Pasagjerët prapa mund të shijojnë dhe përdorin të njëjtat funksione të pasura me informacion, argëtim dhe rehati si edhe shoferi.
Ata kanë qasje në tre ekrane me prekje dhe një sërë opsionesh të ndryshme kontrolli, përfshirë një asistent të brendshëm MBUX.
Brendësia është përmirësuar me deri në pesë ekrane të mëdha me teknologjinë OLED.
Ndihmësi i kontrolluar nga zëri “Hey Mercedes” tani mund të bëjë edhe më shumë, kështu që ai mund të shpjegojë se ku është kompleti i ndihmës së parë ose si ta lidhni telefonin tuaj të mençur përmes Bluetooth.
MBUX gjithashtu kontrollon se si vendoset sedilja e fëmijës, dhe monitorohet lodhja e shoferit. Siguria kërkon një gjurmë gishti, njohjen e fytyrës dhe zërit, por edhe një PIN klasik.
Në total, ndihmësi i brendshëm MBUX njeh deri në 20 dëshira kontrolli, ndërsa sedilja e pasagjerit dhe pasqyrat përshtaten automatikisht në madhësinë e trupit. Për më tepër, sistemet shtëpiake dhe pajisjet mund të lidhen me automjetin dhe ato mund të kontrollohen me zë, falë funksionit Smart Home.
Siç kemi shkruar tashmë, klasa e re S po ndryshon plotësisht nga brenda.
