Redaktorët e bukurisë së revistës Byrdie hulumtojnë në mënyrë të pavaruar, testojnë dhe rekomandojnë produkte të ndryshme. Këtu është një krem që duket se po bën namin në të gjithë botën duke u shitur në internet çdo tre minuta. Quhet “Ole Henriksen Banana Creme Eye”! Këtu është eksperienca e redaktores së Byrdie, me këtë produkt kozmetik!
Si dikush që ka pasur rrathë të zinj serioz që kur isha fëmijë, unë kam qenë në kërkim të një kremi sysh më efektiv, prej kohësh! Është e panevojshme të thuash, se kur pata rastin të provoja “Banana Bright Eye Creme” të Ole Henriksen, unë isha e dyzuar, si fillim. Por, efektivisht ky është kremi më i shitur për rrathët e syve në Sephora. A ka vërtetë efekt?
Ole Henriksen është një markë daneze për lëkurën e themeluar nga një kozmetologe me të njëjtin emër.
Rrathët e errët poshtë syve
Siç thashë më lart, çështja ime kryesore me lëkurën rreth syve janë rrathët e zinj. E imja është e trashëgueshme, kam padyshim video të fëmijërisë të miat ku rrathët janë të dukshëm.
Përbërësit: Vitamina C dhe kolagjeni
OK! Në kundërshtim me emrin e këtij kremi për sytë, banania nuk është një nga përbërësit e saj; emri i kremit thjesht frymëzohet nga pluhuri i bananes, një pluhur me nuancë të verdhë që artistët e kozmetikës e përdorin për të shkëlqyer dhe korrigjuar lëkurën e thatë.
Në vend të kësaj, përbërësit e këtij kremi janë vitamina C dhe kolagjeni. Vitamina C, një antioksidant i fuqishëm, i sjell përfitime lëkurës në disa mënyra: Mbron kundër agjentëve mjedisor, promovon prodhimin e kolagjenit dhe ndihmon në zbutjen e njollave kafe ose zbardhjen e tyre. Kolagjeni, nga ana tjetër, përmirëson elasticitetin dhe qëndrueshmërinë e lëkurës dhe jep një dozë hidratimi sa herë që aplikohet.
Ndjesia: Hidratues dhe i butë
Vetëm një pjesë e vogël e produktit është e nevojshme për secilin sy. Ndihet hidratuese, kremoze dhe e holluar pa u bërë vaj.
Aroma: agrumet, jo bananet
Ndërsa emri mund t’ju japë idenë e aromës së bananeve, aroma aktuale është ajo e agrumeve për shkak të shtimit të ekstrakteve të portokallit dhe limonit.
