Kate Middleton dukej shumë elegante, edhe pse serioze me fustanin blu me jakë të bardhë gjatë vizitës në spitalin Queen Elizabeth Hospital ku shoqëroi të shoqin, princin William. Por ai fustan kishte dhe një mesazh: ishte një homazh për stafin e shërbimit mjekesor të Britanisë, NHS.
Veshja e saj ishte një lloj fustani-këmishë, nga ato që po preferohen shumë së fundi. Kate dukej rrëzëllitëse si gjithmonë, e hijeshinë kombinimit ia shtonin së tepërmi këpucët blu prej kamoshi.
Williami gjithashtu mbante një xhaketë bojëqielli me pantallona blu: duket që ishin kombinuar bashkë me të njëjtin qëllim!
