Mbrojtësi i kombëtares së Kosovës, Leart Paçarada, është në përbërjen më të mirë të javës së 29-të të Bundesliga II.
Futbollisti nga Kosova, djali i ish portierit të mirënjohur, Shukriut, është vlerësuar lartë nga mediat gjermane.
E përditshmja sportive gjermane “Kicker” ka përzgjedhur përbërjen më të mirë dhe aty është edhe Paçarada, i cili tregoi lojë të madhe për Sandhusenin dhe asistoi edhe për golin e fitores bindëse me 3:1 kundër Hannoverit.
Ai përveç që është në përbërjen e javës, u zgjodh edhe lojtari më i mirë i ndeshjes.
Sandhausen është në vend të 10-të me 36 pikë dhe shumë afër që të sigurojë ekzistencën.
