9 vjeçari që dyshohet se vrau pesë anëtarët e familjes së tij

0
25

Një djalë nëntë vjeç është ngarkuar me pesë akuza për vrasje të shkallës së parë, pas vdekjes së pesë anëtarëve të familjes së tij.

Në një seancë dëgjimore në Gjykatën e Qarkut në Woodford, SHBA, prokurorët thanë se Kyle Alwood nga Illinois i kishte vënë me qëllim flakën shtëpisë ku jetonte familja, duke rezultuar në vdekjen e shumicës së familjes së tij të ngushtë.

Raportohet se Alwood ishte në lot ndërsa u shoqërua në sallën e gjyqit nga gjyshi i tij, transmeton Gazeta Express. Zjarri në shtëpi la të vdekur vëllain dhe motrën e Alwood, Ariel një vjeç dhe Daemeon dy vjeç – si dhe kushëririn e tij dy vjeç, Rose Alwood.

Prokurorët thanë se shumica e viktimave ishin në gjumë kur shtëpia mori flakë në prill të këtij viti. Siç raportohet nga CBS News, nëna e Alwood, Katrina Alwood, kishte qenë në shtëpi gjatë kohës së zjarrit por ia kishte dalë të shpëtonte.

Katrina tha për CBS News: “Qëndrova te dritarja dhe u thashë fëmijëve të mi se më vjen keq që nuk mund t’i shpëtoja, mami ishte këtu dhe unë i doja ata. E dini, kështu, të paktën shpresoj se ata e dëgjuan këtë. I thashë Jasonit se e dua… Dhe më pas diçka më tha se ata kishin shkuar. Nuk e di se çfarë është më keq. Ta dëgjoja atë (Jasonin) duke bërtitur apo kur ndaloi”.

Edhe pse Katrina beson se djali i saj duhet të ndëshkohet për krimet e supozuara, ajo gjithashtu tha se familja ka vuajtur mjaft dhe djali i saj meriton edhe një shans të dytë.

Sipas CBS News, Katrina tha: “Të gjithë po e shikojnë atë sikur të ishte një lloj përbindëshi, por nuk është. Njerëzit bëjnë gabime. Po, ishte një tragjedi e tmerrshme, por kjo nuk do të thotë se duhet t’ia rrënojmë jetën”.

Katrina tha se Alwood kohët e fundit u diagnostikua me një lloj skizofrenie, çrregullim të deficitit të vëmendjes dhe çrregullim bipolar.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu