Në atë kohë, Kaloshi ishte Drejtor i Përgjithshëm i Burgjeve.
Bujar Kaloshi, ka qenë nje nga personalitetet e rëndësishme, i cili në të njëjtën kohë konvergonte në vetvete një prejardhje nga një shtresë e persekutuar, nga një familje me tradita nacionaliste dhe individualisht si nje person që ishte vënë totalisht në shërbim të lëvizjes për demokratizimin dhe lirinë në Shqipëri.
Nëpërmjet një statusi në Facebook, e bija Viola Kaloshi e cila është diplomate në OSBE në Vjenë, shkruan: “24 vite pa ty Babi, por për mua duket si dje. Më mungon tmerrësisht shumë!”
Vrasja e Bujar Kaloshit, është shkruar e detajuar në librin e gazetarit Roland Qafoku, “100 vrasjet më të bujshme në historinë e shtetit shqiptar”.
Kjo shënohet si një nga ngjarjet më të rënda të ndodhura në vitet pas komunizmit, e cila vazhdon të mbetet ende e pazbardhur.
