105 banesa në Tiranë nën ujë/ Ministrja Xhaçka: Ja gjendja në të gjithë vendin – Lajmi i Fundit

0
20

Ministrja e Mbrojtjes Olta Xhaçka përmes një deklarate për mediat deklaroi se janë gjithsej 105 banesa në Tiranë që janë përmbytur.
Xhaçka u shpreh se probleme ka pasur jo vetëm në Tiranë, por edhe në Kamzë, ashtu edhe në Fushë Krujë, por edhe në Kurbin, Lezhë e Shkodër.

“Testuam Mbrojtjen Civile. Përmbytjet kanë sjellë fluks të madh uji. Institucionet kanë koordinuar punët për të përmirësuar situatën. OSHEE ka punuar gjatë gjithë natës, për të rregulluar disa shtylla. Banorët që janë prekur, institucionet iu janë gjendur pranë. Në qarkun e Tiranës, 105 banesa janë përmbytur. Edhe bluzat e bardha kanë bërë punë të mirë.
Situata pritet të normalizohet. Probleme kishte në Kamzë. Edhe në Fushë Krujë kemi pasur probleme, për shkak se në këtë zonë, disa zona administrative ka vërshime më të larta. Aktualisht ka 10 familje në Larushë dhe 8 familje në Bubq ka probleme. Lumi Ishëm ka dalë nga shtrati dhe ka rreziuar banesat e ndërtuara pranë lumit. Në Lezhë, situata është normalizuar pasi kishte përmbytje në lagjen besëlidhje. Probleme ka pasur edhe në Laç. Në qarkun Shkodër, pavarësisht reshjeve të dendura, në 5 bashkitë nuk ka probleme. Problemet janë të kufizuara. Situata është thuajse e tejkaluar, por ne do jemi pranë gjithnjë të qytetarëve”, tha ministrja Xhaçka.

LEAVE A REPLY

Please enter your comment!
Please enter your name here