Një vullkan në Indonezi shpërtheu të dielën në mëngjes, duke dërguar në ajër shtëllungat e hirit deri në 1.000 metra, thanë zyrtarët.
Mali Merapi shpërtheu në orën 10:46 të mëngjesit me kohën lokale, tha Agjencia Kombëtare e Fatkeqësive Natyrore.
Shpërthimi zgjati për 155 sekonda, sipas agjencisë.
Hiri u hodh në perëndim dhe bëri që pjesë të fshatit Benyubiru të mbuloheshin në një shtresë të hollë të hirit, njoftoi The Jakarta Post.
Agus WIbowo, një zëdhënës për emergjenca, i tha The Star Online se njerëzit duhet të qëndrojnë jashtë zonës së shpërthimit prej 3 kilometrash rreth kraterit të vullkanit.
“Banorët këshillohen të qëndrojnë të kujdesshëm për rreziqet e hirit vullkanik, reve të nxehta dhe shpërthimit eksploziv”, tha ai.
Vullkani, i cili ndodhet në kufirin midis provincave e Java-s qendrore dhe Yogyakarta në ishullin e Java, është më aktivi i Indonezisë.
Shpërthimi i fundit i madh ishte në vitin 2010. Ai vrau 347 njerëz, sipas Associated Press.
Në fillim të këtij viti, një lumë llave rrodhi 1.400 metra poshtë shpateve të vullkanit.
Ndërkohë, studiuesit nga Universiteti Teknik i Mynihut (TUM) së fundmi publikuan një studim pasi ekzaminuan mostrat nga mali Merapi që mund të parashikonin se kur mund të shpërthejnë ai dhe vullkanet e tjera.
Ata besojnë se gjetjet e tyre, të botuara në revistën Nature Communications, hapin mundësi të reja në lidhje me parashikimin se kur do të ndodhë një shpërthim tjetër.
Një publikim në lidhje me studimin vëren se gjeoshkencëtarët zakonisht kanë përdorur matje sizmike, të cilat ilustrojnë lëvizjet nëntokësore kur paralajmërojnë njerëzit për shpërthimet që vijnë.
Por tani, ekipi i shkencëtarëve, përfshirë ata nga TUM, kanë gjetur një tregues tjetër për një shpërthim të ardhshëm nga maja e malit Merapi.
