Emri i tij është lakuar gjerë e gjatë këto ditë pas skandalit që e bëri të diskutohej në mediat turke e jo vetëm. Aktori turk Ozan Guven, të cilin publiku shqiptar e njeh më së shumti si Rustem Pashai tek “Sulejmani i madhërishëm”, u akuzua se kishte rrahur keq të dashurën, Deniz Bulutsuz. Fotot treguan qartë dëmtimet e pësuara prej saj: syrin e nxirë e hematomat në krahë.
Por ndërkohë duket se edhe Ozan ka bërë të njëjtën akuza për të, e pretendon se dhe ajo e ka qëlluar. Sherri ka ndodhur në banesën e tij në Stamboll.
Gjërat u tha se morën për keq kur Guven e kritikoi gjatë një darke Deniz sepse përmendi ish të dashurin dhe duket kur janë kthyer në shtëpi, aty shpërtheu dhuna! Pavarësisht se Ozan pretendon që është goditur gjithashtu, gjykata nuk u lëkund nga vendimi sipas të cilit aktori nuk mund t`i afrohet Bulutsuz!!
