Ministrja e Shëndetësisë Ogerta Manastirliu ka postuar një foto trishtuese këtë të mërkurë, ku shihet një grua në gjendje të rënduar në spitalin Covid në Tiranë. Fëmijët e saj i kanë dërguar një tufë me lule për ditëlindjen, në kushtet kur për ta është e pamundur të hyjnë në spital për të parë të ëmën në gjendje të rënduar.
STATUSI:
Ju lutem ndaluni pak çaste për të parë këtë nënë që po lufton për jetën në spitalin infektiv
Në ditën e saj të lindjes, në pamundësi për ta parë, fëmijët kanë dashur t’i tregojnë se i janë pranë, duke i sjellë një tufë lule në spital. Por ajo është në terapi intensive, e intubuar, vetëm për shkak të virusit të rrezikshëm, që merr jetë!
Të mos e lejojmë që #COVID19 të përhapet, duke rrezikuar jetën e njerëzve tanë të dashur!
