Bundesliga gjermane është në mesin e ligave që po mendon rikthimin për të vazhduar sezonin 2019/2020.
Nëse ajo bëhet, sigurisht që ndeshjet do të luhen pa tifozë, derisa të kalojë pandemia e koronavirusit, ose të zbulohet vaksina shëruese.
Një ndeshje futbolli pa tifozë, duket e pakuptimtë, por kjo është situata dhe duhet pranuar.
Por, për t’i dhënë ngjyra stadiumit, është përkujdes Borussia Monchengladbach.
Kjo skuadër në marrëveshje me tifozët do të përdor përkohësisht forma kartoni dhe fotografi të tifozëve të kanë pasur bileta, të cilat do të vendosen në ulëset e stadiumit, për të zvogëluar ndikimin negativ të një stadiumi të zbrazët.
Borussia Monchengladbach pas 25 xhirove në Bundesligë renditet në vendin e katërt, me gjashtë pikë më pak se liderët e Bayern Munich.
