Mbyllen zyrat e Gjendjes Civile në Vlorë, punonjësja del pozitive me covid19
Zyrat e gjendjes civile në Vlorë janë mbyllur pasi një punonjëse ka rezultuar pozitive me Covid-19.
Pas boshatisjes nga punonjësit, zyrat janë dezinfektuar dhe nuk dihet se sa kohë do të qëndrojnë të mbyllura.
Tashmë pritet që epidemiologët të bëjnë gjurmimin e kontakteve.
Raportohet se punonjësja e gjendjes civile ishte një ndër tre rastet e reja të raportuara sot në Vlorë nga Ministria e Shëndetësisë, por nuk dihet ende se ku mund ta ketë marrë virusin.
