Kryeministri Rama nga Kukësi premton investime të tjera në sport

0
Kryeministri Rama nga Kukësi premton investime të tjera në sport
Gjigandi

Kryeministri Edi Rama në krah të presidentit të FSHF, Armand Duka dhe kryebashkiakut të Kukësit, Safet Gjici, foli për investimin e bërë nga qeveria në këtë impiant duke vënë theksin në zgjerimin e projekteve për futbollin dhe jo vetëm:

“Ajo që ka rëndësi është që puna për futbollin në Kukës nuk po ndalet te stadiumi pasi po punohet për fushën e stërvitjes dhe dy fushave të tjera në mënyrë që fëmijët të përfshihen në lëvizjen futbollistike. Ne si qeveri po nxisim dhe shumë shpejt do të shikojmë frytet e para edhe të lojrave me dorë me programet që po aplikojmë në shkolla.

Siç kemi bërë këto katër stadiume do të vijojmë të ndërtojmë, nuk po them stadiumin e radhës por në sport. Presim sigurisht edhe projektet e inisiativat e drejtuesve, sponsorve dhe pronarëve të klubeve sepse nuk është e thjeshtë të ndërtohet një stadium.

Ky vit shënon një kulm për aktivitetin sportiv në vendin tonë pasi presim një finale europiane për herë të parë në histori, diçka e paimagjinueshme përpara disa vitesh ku madje ekipi Kombëtar emigronte për të luajtur një ndeshje si pritës”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu