Një imazh spektakolar i Kometës C/2020 F3 NEOWISE mbi Romë, Itali, është shpërndarë jashtëzakonisht shumë në rrjetet sociale.
Gianluca Masi, me Projektin e Teleskopit Virtual (VTP), kapi skenën më 7 korrik mbi Janiculum Hill, rreth orës 3:30 të mëngjesit me kohën lokale.
Kometa ishte mjaft e ndritshme, saqë është raportuar se e kanë parë edhe me sy të lirë.
“Ishte shumë e qartë të shihej me sy të lirë”, tha Masi për Newsweek.
Astronautët dhe kozmonautët në bordin e ISS gjithashtu kanë arritur të kapin disa foto spektakolare të kometës NEOWISE gjatë ditëve të kaluara, përfshirë këtu edhe anëtarin e ekuipazhit rus Ivan Vagner i cili e përshkroi kometën si “më të ndritshmet gjatë 7 viteve të fundit”.
Objekti, i cili u vërejt për herë të parë nga teleskopi hapësinor NEOWISE i NASA-s më 27 mars, 2020, i ndriçuar arriti distancën e tij më të afërt me diellin më 3 korrik.
Edhe pse kometa mund të jetë e dukshme me sy të lirë, astronomët rekomandojnë të përdorin dylbi për të zbuluar objektin.
Kometa do të bëjë afrimin e saj më të afërt me Tokën më 23 korrik, e cila ka të ngjarë të jetë koha më e mirë për ta parë atë, nëse objekti mbetet i paprekur dhe nuk zbehet.
