I dashuri i nënës së Neymar, Nadine Goncalves është dërguar në spital pasi pësoi aksident në shtëpi dhe u lëndua.
Raportohet se Tiago Ramos u dërgua në spital pasi preu krahun me një gotë të thyer. Ishte Goncalves që mori në telefon ambulancën pas incidentit që i ndodhi të dashurit të saj 23-vjeçar.
Një nga fqinjët e nënës së Neymar tha se dëgjuan të bërtitura kur ndodhi incidenti mbrëmjen e së martës.
Por raportohet se i riu është në gjendje të mirë shëndetësore.
Nuk dihet ende nëse Tiago është kthyer në shtëpi.
Lajmet vijnë pasi çifti me një diferencë të madhe në moshë prej 30 vitesh, u ribashkuan pas një ndarje të shkurtër në mars, kur Goncalves zbuloi se Ramos ishte biseksual.
Nadine Goncalves shpalli dashurinë e saj 23-vjeçarin përmes një postimi në Instagram ku shkroi: “E pashpjegueshme.”
Ndëra Neymar aprovoi dashurinë e tyre duke shkruar: “Mami ji e lumtur. Të dua.”
Vetëm 10 ditë pasi bëri publike lidhjen Nadine u nda nga Tiago pasi zbuloi se ai kishte kryer marrëdhënie me burra të ndryshëm përpara takimit të tyre.
Tiago, i cili është gjashtë vjet më i vogël se Neymar, raportohet se u takua me kuzhinierin personal të futbollistit, Mauro përpara se të përfshihej në një lidhje romantike me nënën e sulmuesit.
Gjithashtu raportohet se ka qenë në një lidhje me aktorin e njohur brazilian Carlinhos Maia.
Ramos është një model por nuk dihet ende kur filloi të dilte me nënën e Neymar, megjithëse u fotografuan së bashku në festën e ditëlindjes së futbollistit në shkurt.
Tiago u kthye me familjen e tij në Brazil pasi u nxorr nga rezidenca e Nadine.
Por ata u ribashkuan sërish. Nëna e yllit brazilian tashmë ka ndryshuar mendim dhe dëshiron të vazhdojë jetën me 23-vjeçarin, madje thuhet se i ka dhënë me qira edhe një banesë në Sao Paolo, në mënyrë që të jetë sa më afër tij dhe të shijojë jetën në krahët e tij.
