Mesfushori i Ballkanit, Edvin Kuc thotë që skaudra e tij është më e mira në Kosovë.
Ballkani sot arriti finalen e parë në histori të klubit, falë një barazimi 1-1 ndaj Feronikelit, ku goli i mysafirit ia mundësoi historinë klubit të Ismet Munishit.
Lojtari i pandalshëm i Ballkanit, Edvin Kuc padyshim se është shumë i kënaqur për angazhimin dhe arritjen e madhe që skuadra e tij e arriti sot.
Ai në një prononcim të dhënë menjëherë pas ndeshjes me Feronikelin tha se Ballkani mund të bëjë gjithçka – pasi ka skudrën më të mirë në Kosovë.
“Ne e kemi vërtetuar edhe një herë se jemi skuadra më e mirë në Kosovë, një grup i shkëlqyeshëm lojtarësh, të udhëhequr me trajnerë dhe menaxhim të shkëlqyeshëm. Tani i drejtohemi kampionatit, ne nuk patëm fat sporti në dy ndeshjet e para, por është e rëndësishme që ne nuk devijuam nga loja jonë, kjo skuadër mund të bëjë gjithçka”, tha shkurtimisht Edvin Kuc.
Vlen të potencohet se Ballkani do të luajë me Prishtinën në finalen e DigitAlb Kupës së Kosovës me 29 korrik në stadiumin “Fadil Vokrri”.
