Mrekulli e quejte loçkë
Ama hala sen’ s’ke pâ
Ata kanë bâ Pepsi n’Ande
E Mekdonalds n’Tibet
Josemiti âsht shndrrue
N’fushë golfi për japoneztë
E Deti i Vdekun u ngjallë me rep
Mes Tigrit e Eufratit
Tash âsht njí qendër për pushim
I kanë krejt sojet e sportit
Kanë edhe shorce Bermude
Ata kanë bâ seks n’Pensilvani
Njí brazilian njí fidan e ka mbjell
E n’Menheten njí mjek
Prej deke falë e pshtoi njí njeri
Âsht njí mrekulli
Edhe njí mrekulli
Me mirësinë e t’Madhit Pereni
E me trysninë e tregjeve
Njerzimi e ka qytetnue veten
Âsht njí mrekulli
Kena depo t’gjalpit
Kena oqeane t’venës
Kena skamje sa herë qí na duhet
Kena përpilues t’krimit
Kena Mercedes
Kena Porshe
Ferrari e Rolls Rojs
Kena mundsi
N’Kopshtin e Getsemanit, loçkë
Ajo m’tha me e takue
Zoti tha, Pjetër, unë po muj me e pâ
Shpinë tonde prej këtuhit
Njí njeri i ndershëm
Ma n’fund e korri atë qí e ka mbjellë
E njí bujk n’Ohajo, borxhin veç sa e shleu
Âsht njí mrekulli
Edhe njí mrekulli
Me mirësinë e t’Madhit Pereni
E me trysninë e tregjeve
Njerzimi e qytetnoi veten
Âsht njí mrekulli
Po strukemi n’strehat tona
Me vesht e futun n’lesh
Muzika pa lidhje e Lloid-Veberit
Sillet me vjet, vjet, e vjet
Njí termet njí teatri i qepon
Ama opereta vazhdon
E mandej bjen kapaku i pianos
E ia then gishtat e mutit
Âsht njí mrekulli.
Nga: Roger Waters (kënga “It’s a Miracle”, albumi “Amused to Death”, 1992)
Përktheu: Agron Shala.
