Mikel Arteta ‘ka bërë krenar’ mësuesin e tij Pep Guardiola, duke e eliminuar atë nga Kupa FA.
Arsenal ka shënuar fitore të madhe në ‘Wembley’, duke mposhtur Manchester Cityn me rezultatin 2:0.
Në këtë ndeshje, interesante ishte përballja mes Mikel Artetas dhe Pep Guardiolas, dyshes që punonin së bashku te City.
Goli i parë në këtë takim u shënua nga Pierre Emerick Aubameyang, i cili shfrytëzoi për mrekulli asistimin e Nicolas Pepe, atëherë kur luhej minuta e 19’ e takimit.
Në pjesën e dytë, ishte përsëri Aubameyang ai që doli në skenë, për të marrë kështu edhe epitetin e heroit të ‘Gunners’ për këtë ndeshje, kur në minutën e71’ shënoi për rezultatin 2:0.
Me këtë fitore, Arsenal prenë biletën për finalen e Kupës FA, ku tashmë do të pres për fituesin e çiftit Manchester United – Chelsea.
