Bakteret dhe viruset mund të jenë “rrezik” për sistemin imunitar të njeriut.
Duke pasur parasysh kushtet e duhura dhe përzierjen e elementeve, është e imagjinueshme që mikroorganizmat siç janë bakteret dhe viruset mund të ekzistojnë përtej Tokës.
Format e jetës së huaj teorikisht mund të përbëhen nga aminoacide të ndryshme për ata që janë të njohur për ne në Tokë.
Acidet amino janë përbërjet themelore organike të cilat formojnë bazën për tërë jetën siç e njohim ne, dhe përbëhen nga azoti, karboni, hidrogjeni dhe oksigjeni.
Shkencëtarët nga universitetet e Aberdeen dhe Exeter testuan se si qelizat imune të gjitarëve iu përgjigjën peptideve që përmbajnë dy aminoacide që janë të rralla në Tokë, por gjenden zakonisht në meteoritë.
Aminoacidet “izovalina” dhe “acidi α-aminoisobutyric” u prezantuan te minjtë, të cilat kanë sistem imunitar të ngjashëm me njerëzit, shkruan Indepoendent.
Ata zbuluan se sistemet imune të atyre minjve iu përgjigjën peptideve “të huaj” në një mënyrë që ishte “më pak efikase” sesa mikrobet nga ky planet.
Ekipi hulumtues ekzaminoi qelizat T të gjitarëve, të cilët normalisht punojnë për të vrarë trupa patogjenë dhe mund të rekrutojnë qeliza të tjera për të luftuar sëmundjet pushtuese.
Por kur shkencëtarët prezantuan aminoacidet e gjetura në meteoritet, përgjigja e qelizës T ishte më pak efikase, me nivele aktivizimi 15% dhe 61% krahasuar me 82% dhe 91% kur ekspozohej ndaj peptideve të bëra tërësisht nga amino acide që janë të zakonshme në Tokë.
Çështja e mikrobeve të huaja është një përparësi në rritje, pasi misionet në planet e tjerë po bëhen më të zakonshëm.
