Martesa mes Cristiano Ronaldo-s dhe Juventus-it mund të jetë drejt fundit. Kampioni portugez ka dhënë shenja pakënaqësie kundrejt Sarri-t në javët e fundit dhe fitorja e munguar në Kupën e Italisë e ka përkeqësuar situatën.
Faza finale e kampionatit nuk do të jetë e lehtë për trajnerin e bardhezinjve. Pavarësisht humbjes së Lazio-s dhe shkëputjes në kampionat, mbeten akoma shumë ndeshje për të luajtur, duke përfshirë edhe Champions League.
Dështimi në Champions mund të vulosë largimin nga Torino të Cristiano Ronaldo-s, i cili mund të kërkojë ta fitoë kupën me veshët e mëdhenj me një klub tjetër.
Për këto arsye drejtuesit e Juventus mund të kenë filluar kërkimet për zëvendësuesin e CR7, nëse ky i fundit do të shprehë dëshirën për t’u larguar. Zgjidhja vjen nga Portugalia, vendi ku po hedh hapat e parë Fabio Silva, në pronësi të Porto-s.
17-vjeçari portugez ka shumë ngjashmëri me Ronaldo-n. Operacioni nuk do të jetë i lehtë, duke parë tendencën e Porto-s për të mbivlerësuar lojtarët e saj; nga ana tjetër, Juventus mund të vendosë të bëjë një sforcim për të siguruar të riun me të ardhme shumë premtuese.
