Chelsea do të rrëmbejë në skuadër Kai Havertz, por u ka dalë një pengesë e papritur. Bayer Leverkusen nuk mund ta mbajë, pasi futbollisti dëshiron që sezonin e ardhshëm të luajë në Champions Leagues.
Bild shkruan se një problem të tillë mund ta ketë dhe Chelsea. Blutë e Londrës duhet të kualifikohen për kompeticionin e kupës veshgjatë në mënyrë që të bindin sado pak talentin e madh të Gjermanisë.
Kryeredaktori i BILD, Christian Falk, bën me dije se lojtari u ka thënë “Aspirinave” se dëshiron të largohet, sepse Leverkusen nuk u kualifikua në Champions League. Mbetet për t’u parë nëse të besuarit e Frank Lampard do t’ia arrijnë.
