Ministrat e Ballkanit Perëndimor do të mblidhen në Tiranë për të diskutuar lidhur me reformat e ndërmarra për forcimin e shtetit të së drejtës si dhe sfidat e përbashkëta që gjenden përpara.
Lajmin e ka bërë me dije ministrja e Drejtësisë Etilda Gjonaj, e cila për të dytin vit radhazi ka mundur të bëjë bashkë të gjithë grupin ministror për të çuar më tej bashkëpunimin rajonal.
Përmes një postimi në rrjetin social Facebook, Gjonaj nënvizon se kjo iniciativë e përbashkët do të shërbejë si shembull pozitiv mbi ndërmarrjen e reformave kyçe shtetformuese për qytetarët.
