Nga Rama te Ceferin dhe Totti.; dreka zyrtare e FSHF-së me legjendat e futbollit europian (fotot)

0
Gjigandi

Dreka zyrtare mes përfaqësuesve të dy skuadrave, zyrtarëve të ndeshjes dhe të tjerë është një rregull që ndodh në sfidat e Kupave të Europës. Sigurisht, nuk mund të mungonte as në prag të finales së “Conference League”, e cila do të startojë sonte në “Arena Kombëtare” prej orës 21:00, mes Romës dhe Feynoord-it.

FSHF-ja, si partnere e UEFA-s në organizimin e këtij eventi historik, i pari i këtyre përmasave futbollistike në vendin tonë, i ka bërë bashkë të tillë. Përmes faqes së saj në internet bëhet me dije: “Federata Shqiptare e Futbollit ka organizuar sot një drekë me miqtë e ardhur me rastin e finales së Conference League, duke filluar që nga Presidenti i UEFA-s, Alexander Ceferin, zyrtarë të lartë të qeverisë së futbollit europian, presidentë federatash, drejtues dhe legjenda të klubeve finaliste, Roma dhe Feynoord.

Në këtë drekë ishte i pranishëm edhe Kryeministri Edi Rama, Ministrja e Arsimit, Rinisë dhe Sportit, Evis Kushi, Ambasadori shqiptar i UEFA Conference League, Lorik Cana, Presidenti i Federatës së Futbollit të Kosovës, Agim Ademi, Presidenti i Federatës së Futbollit të Maqedonisë së Veriut, Muamed Sejdiu, si edhe drejtues e anëtarë të Komitetit Ekzekutiv të FSHF-së.

Në një atmosferë të shkëlqyer dhe tejet të ngrohtë, Presidenti Duka ka falënderuar UEFA-n për besimin që i dha FSHF-së si partner zyrtar i finales së Conference League, teksa ka vlerësuar edhe mbështetjen e qeverisë dhe Kryeministrit Rama për organizimin sa më të mirë të kësaj ndeshjeje historike ndërkombëtare, AS Roma-Feynoord, e para e këtij niveli që zhvillohet në vendin tonë.

Përveç zyrtarëve më të lartë të UEFA-s këtij takimi iu bashkuan edhe legjenda e Romës, Françesko Totti, dhe ish-futbollistët e famshëm Luigi Di Biagio, Aldair Nascimento dos Santos, Vincent Candela”.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu