Moti i keq godet Kroacinë, përmbyten qytetet bregdetare

0
Gjigandi

Moti i keq me shi dhe erëra të fuqishme kanë goditur pjesën më të madhe të qyteteve bregdetare në Kroaci, nga pjesa jugore e Adriatikut, ku uji i detit përmbyti bodrumet e Dioklecianit në Split, deri në Rijekë ku ujërat arritën deri në treg, raporton AA.

Ministria e Brendshme e Kroacisë monitoron situatën në terren për shkak të motit me stuhi që filloi shkaktimin e dëmeve të para dje në pjesën jugore të Kroacisë.

Nuk raportohet për persona të dëmtuar, ndërsa dëmet materiale ende nuk janë përcaktuar, njoftoi MPB-ja e Kroacisë.

Era e fuqishme jugore, me shpejtësi mbi 140 kilometra në orë në afërsi të Dubrovnikut, bëri që uji i detit të përmbytë brigjet e shumë qyteteve bregdetare në Adriatik, deri në Istria.

Një stuhi e fortë u regjistrua në Trogir dhe Kashtela.

RonaTyra

Meteorologët thonë se moti do të qetësohet gjatë ditës, por reshjet e shiut me erëra sërish do të intensifikohen në fillim të fundjavës.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu