Mbrëmjen e së hënës patrullat e policisë shkuan derë më derë në bizneset e shëtitores së Vlorës, nga ku dëgjohej muzikë me volum të lartë.
Shëtitorja përgjatë bregut të detit, e njohur si Lungomare është zona më e zhurmshme në qytet këto ditë vere. Pushuesit e presin mirë vendimin e qeverisë.
Një ditë më parë, qeveria vendosi të mbyllë lokalet e natës dhe diskot, pasi ditët e fundit është vënë re mosrespektimi I masave antiCovid dhe grumbullimet e të rinjve janë bërë shqetësuese për përhapjen e virusit.
Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë 1-vjeçare.
