Manchester United nuk ka arritur të marrë më shumë se një pikë përballë West Ham United, duke barazuar 1:1 në ‘Old Trafford’, në ndeshjen e xhiros së 37-të.
Michail Antonio në minutën e 45’, i dha West Hamit epërsinë 0-1, duke shënuar nga penalltia.
Manchester United barazoi në fillim të pjesës së dytë, nëpërmjet talentit Mason Greenwood.
Vazhdimi i ndeshjes nuk solli gola, me Manchester United dhe West Ham që ndanë pikët.
Manchester United me këtë barazim, ka rrezikuar pjesëmarrjen në Ligën e Kampionëve, pasi në xhiron e fundit luan në udhëtim te Leicester City.
