Tashmë pas më shumë se një muaj nga shembja e Teatrit Kombëtar, Aleanca për Mbrojtjen e Teatrit, aktivistë dhe artistë vijojnë sërish betejën ligjore për dy çështje të cilat janë lënë pezull. Bëhet fjalë për ligjin special dhe VKM-në për kalimin e truallit të teatrit nga Ministria e Kulturës tek Bashkia Tiranë.
Pavarësisht se në fillim, shembja e teatrit nxiti protesta masive, tashmë ato duket se janë zbehur.
Njëra prej aktivisteve të AMT-së, Lindita Komani u shpreh për Ora Neës se po përgatiten për protesta më të mëdha por nuk dha detaje për kohën se kur do të organizohet.
Komani: Ne po përgatitemi çdo ditë për një protestë më të madhe. Aktualisht jemi me liven e prnatshëm nga zona e sheshit të teatrit. Përderisa të ketë një njftim zyrtar nuk mund të jap më shumë detaje. Duhet të ketë një mobilizim më të madh shoqëror. Tani është peridhë vere dhe është pak më e vështirë. Por do të ketë sëshpejti një protest më të madhe. Mundet që të ndodhi në vjeshtë. Por ne shpresojmë që të ketë një protestë që në verë. Ndërprerja e transportit publik e ka bërë shumë të vështirë për ne dhe për çdo person që të vijë në qendër të Tiranës. Kemi pasur shumë njerëz që vijnë sa herë që i lajmërojmë. Qytetarët janë shumë të indinjuar dhe të fyer pas shembjes.
Komani shpreson tek rifillimi i punës së Gjykatës Kushtetuese për të dhënë vendime mbi dy çështjet e lëna pezull.
Komani: Ne po bëjmë përpjekje në disa drejtime. Betejën ligjore. Shpresojmë që të fillojë nga puna Gjykata Kushtetuese në mënyrë që të marrë vendim për dy çështjet, ligjin special dhe vendimin e Këshillit të Ministrave për të kaluar pronën nga Ministria e Kulturës në Bashkinë e Tiranës. Ndërkohë shpresojmë që Spak dhe Prokuroria të adresojë të gjitha paditë tona që kemi bërë. Presim të ketë dhe presion nga jashtë. Veçmas përpjekjeve diplomatike ne kemi bërë përpjekje tu drejtohemi medieve të huaja për të na dhënë zë.
