Trajneri i Napoli është i shqetësuar me situatën nga pandemia Covid-19.
Gennaro Gattuso, njeriu në krye të stolit të Napoli, para ndeshjes së kthimit në Ligën e Kampionëve ka disa probleme të tjera.
Tekniku italian po mendon edhe për situatën e krijuar nga koronavirusi, për të cilën është shumë i shqetësuar para udhëtimit në ‘Camp Nou’.
“Nuk jam marrë shumë me këtë punë, pasi nuk është puna ime. Është diçka për presidentin dhe njerëzit e tij”, ka thënë Gattuso, i pyetur për udhëtimin dhe rrezikun nga pandemia.
“Ata gjithmonë bëjnë këto gjëra. Ne jemi të shqetësuar, sigurisht, por unë qëndroj në punën time pasi presidenti dhe njerëzit e tij do të dinë si të reagojnë”, ishin fjalët e ish trajnerit të Milan.
Napoli shkon në ‘Camp Nou’ pas një barazimi 1:1 në ‘San Paolo’ dhe gëzon një formë më të mirë sesa Barcelona aktualisht.
Mbetet të shihet nëse skuadra e Gattuso do të mund të bëjë befasinë e madhe.
