Ka shumë pretendime sipas të cilëve, diabetikët duhet të qëndrojnë larg disa ushqimeve të caktuara, për shkak të sheqerit që ato përmbajnë. Në këtë listë të ‘ndaluar’ të ushqimeve përfshihen edhe frutat që kanë më shumë sheqer se të tjerat. Megjithatë, sipas informacioneve, kjo nuk do të thotë se diabetikët nuk duhet t’i hanë ato.
Diabetikët Duhet Të Tregojnë Kujdes Me Karbohidratet Tek Frutat
Ekspertët thonë se niveli i sheqerit në gjak ndikohet më shumë nga sasia e karbohidrateve të plota tek një ushqim, sesa nga burimi i karbohidrateve, qoftë kjo niseshte apo sheqer. Një racion i rekomanduar me fruta duhet të përmbajë një sasi prej 15 gramë karbohidrate. Përmasat e racionit janë në varësi të përmbajtjes së karbohidrateve të një fruti. Avantazhet e ngrënies së një fruti me pak karbohidrate është se mund të hani shumë racione të tij. Por për sa kohë diabetikët i përmbahen limitit prej 15 gramë karbohidrate në një racion gjatë ditës, përzgjedhja e frutit nuk ka shumë rëndësi.
Frutat Që Përmbajnë 15 Gramë Karbohidrate Në Një Racion
Gjysëm molle ose gjysëm banane
1 filxhan çaji me manaferra
Çerek filxhani çaji me boronica
1 filxhan çaji me mjedër
1 filxhan e gjysmë çaji me luleshtrydhe
1 filxhan çaji me copa pjepri.
Rekomandohet që diabetikët duhet të tregohen të kujdesshëm me frutat e përpunuara, si lëngje frutash të gatshme etj, ose t’i shmangin ato plotësisht. Trupi i përthith këto fruta më shumë dhe më shpejt duke u përballur me nivele më të larta të sheqerit në gjak. Frutat e përpunuara gjithashtu eliminojnë nga organizmi shumë ushqyes të nevojshëm siç janë vitaminat dhe fibrat. Organizatat më në zë të diabetit në botë, gjithashtu sugjerojnë se edhe lëngjet natyrale të frutave duhen konsumuar rrallë sepse ato përthithen më shpejt nga trupi. Në këtë mënyrë ato shkaktojnë rritje të menjëhershme të nivelit të sheqerit në gjak.
