Ezra Miller u arrestua për herë të dytë në Hawaii.
Aktori amerikan është arrestuar pasi dyshohet se ka sulmuar një grua në Hawaii.
Ylli i “Fantastic Beasts” gjuajti me karrige në drejtim të gruas, duke e lënë atë me një çarje në ballë, sipas policisë.
Ezra Miller (Foto: Getty Images)
Miller u arrestua në orët e hershme të mëngjesit të së martës për sulm të shkallës së dytë në një pronë private në Pahoa në Big Island të Hawaiit, pas raportimeve për sulmin.
Është hera e dytë që 29-vjeçari arrestohet në javët e fundit.
Departamenti i Policisë së Hawaiit tha se aktori ishte i “inatosur” përpara se të gjuante karrigen.
Ezra Miller (Foto: Getty Images)
Miller është i njohur për rolet e tij në “Perks of a Wallflower”, “Trainwreck” dhe në “Fantastic Beasts”.
Megjithatë, sipas raportimeve nga Rolling Stone, drejtuesit e Warner Bros dhe DC u takuan pas arrestimit të parë të Miller, duke rënë dakord të ndalonin çdo projekt të ardhshëm me aktorin.
/abc24.al/
Ezra Miller (Foto: Getty Images)
