Aktualisht në Komunën e Lipjanit janë 41 raste aktive të identifikuara me Covid-19.
Kryetari Imri Ahmeti ka bërë thirrje për zbatimin e masave të aprovuara nga Qeveria e Kosovës për ndalimin e punës së kafiterive, restoranteve dhe shërbimeve tjera të gastronomisë pas orës 21.00.
Ai ka thënë se numri i të prekurve me koronavirus po shtohet dita-ditës andaj kërkohet kujdes i shtuar i të gjithëve.
“Ne me mirëkuptim ju ftojmë të vazhdojmë të respektojmë rekomandimet dhe vendimet e IKSHP-së dhe të Qeverisë së Republikës së Kosovës”, shkruan Ahmeti në Facebook.
