Ernesto Valverde nuk e harron eksperiencën te Barcelona dhe stërvitjet me skuadrën dhe Messi-n. Ish-trajneri i katalanasve, i shkarkuar nga klubi në muajt e kaluar, ka folur në një video-konferencë me Federatën Baske në lidhje me ish-yllin e tij, Leo Messi-n.
“Nuk mund të krahasohet me asnjeri. Shumë herë, kur lojtarët e tu kanë topin, mendon gjithmonë se cila mund të jetë zgjidhja më e mirë. Ja, në fund, ai e di dhe e shikon më mirë se ti. Messi është një lojtar shumë i lehtë për t’u stërvitur, sepse mendon edhe për skuadrën”.
“Ndien një detyrim të madh kundrejt klubit dhe kërkon gjithmonë të japë maksimumin edhe për shokët e skuadrës. I shtyn të gjithë në një nivel superior. Ta shikosh nga larg është mbresëlënëse… por është akoma më shumë nga afër”.
