Sulmuesi i Interit, Lautaro Martinez është një nga objektivat kryesore të Barcelonës.
Lajmi është bërë i ditur nga trajneri i Barcelonës, Quique Setien, shkruan ‘Gazzetta dello Sport’.
Setien rrëfen se 22-vjeçari ishte tashmë një ‘lojtar i shkëlqyeshëm’ dhe se Barcelonës i pëlqejnë ky lloj i lojtarëve.
“Ai është një lojtar i rëndësishëm, një lojtar i shkëlqyeshëm dhe Barcelona gjithmonë është e interesuar për lojtar të shkëlqyeshëm. Por, në këto kohë pa futboll, një emër tjetër del çdo ditë”, ka deklaruar Quique Setien.
Martinez që ka shkëlqyer me paraqitjet e tij në Serie A, shihet si zëvendësues i sulmuesit uruguain të Barçës, Luis Suarez.
