Një aksident ka ndodhur këtë pasdite në Tiranë, ku një autobus i linjës urbane ka përplasur një 17-vjeçar i cili udhëtonte me biçikletë.
Sipas informacionit paraprak, 17-vjeçari me inicialet G.R. është dërguar në spital dhe ndodhet nën kujdesin e mjekëve, por nuk dihet gjendja e tij shëndetësore.
Tiranë/Informacion paraprak
Më datë 06.07.2020, rreth orës 18:35, në rrugën “Dedë Gjo Luli”, mjeti autobuz me drejtues F.G., ka aksidentuar biçiklistin, shtetasin e mitur me iniciale G.R., 17 vjeç, i cili ndodhet në spital, nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
