Shkencëtarët pretendojnë se ata kanë zbuluar antitrupat më të fuqishëm në gjakun e pacientëve që e kanë kaluar Covid-19, duke rritur shpresat se njerëzit do të zhvillojnë imunitet ndaj virusit.
Antitrupat u morën nga gjaku i disa të mbijetuarve nga Covid-19 dhe mund të neutralizojnë koronavirusin, duke e ndaluar atë të hyjë në qeliza, shkruajnë mediet e huaja.
Këto antitrupa klonohen dhe shkallëzohen në sasi të mëdha në laborator para se të injektohen si trajtim.
Ekspertët zbuluan një kokteil të antitrupave ekstremisht të fortë që mbrojnë nga Covid-19 kur u ekspozuan ndaj virusit SARS-CoV-2.
Po cilësohet si gjetje e hershme, por shkencëtarët thonë se antitrupat – substancat e përdorura nga sistemi imunitar për të shkatërruar viruset – janë ‘gati për t’u zhvilluar në trajtime’.
Administruar në doza sikurse vaksinat, shkencëtarët thonë se antitrupat mund t’i japin njerëzve aftësinë për të shmangur goditjen nga sëmundja.
