Mbrojtësi që u transferua me shumë bujë, nuk ka dhënë ende asgjë për fanellën bardhekuqe për shkak të dëmtimeve.
Në një prononcim për “Fan Zone” në Shqipëri, Shameti ka falënderuar kryesinë e Gjilanit për korrektësinë.
Megjithatë, ai ka theksuar që me dëshirë do të rikthehej një ditë te Kukësi.
“Pas Gjirokastrës, Kukësi është shtëpia ime e dytë. Kam kaluar 6 vite shumë të bukura aty dhe kam arritur suksese të shumta, ndaj do të më pëlqente të rikthehesha dhe të kontribuoja sërish”, deklaroi Shameti.
“Megjithatë për momentin jam i përqendruar te Gjilani, pasi drejtuesit atje janë treguar shumë korrektë me mua dhe nuk kam arritur të jap atë që pritej, për shkak të dëmtimeve”, shtoi ai.
