Ditëve të fundit është folur shumë për një kalim të mundshëm të yllit spanjoll të Bayern Munchenit, Thiago Alcantaras në Liverpool.
Për këtë ka folur edhe presidenti i klubit gjerman, duke u shprehur se ende nuk ka një ofertë por se Thiago po mendon largimin nga klubi.
“Thiago? Një djalë i mrekullueshëm brenda dhe jashtë fushe. Kemi pasur negociata serioze dhe i kemi plotësuar të gjitha dëshirat që kishte”.
“Por duket se në vitet e fundit të karrierës ai do të provojë diçka të re. Shitje në verë? Ne nuk duam të humbim një lojtar falas verën tjetër, këtë e them qartë.”
“Ende nuk kemi pranuar ndonjë ofertë nga Liverpool apo ndonjë klub tjetër”- u shpreh ai.
Kujtojmë që Thiago është riaftësuar nga dëmtimi që pësoi disa javë më parë.
