Lulzim Basha i ftuar sot në Opinion nisi “fushatën elektorale” duke thënë arsyet se pse shqiptarët duhet ta votojnë për t’u bërë kryeministër.
Ai tha se PD do të ndërtojë një program ekonomik që do të nxjerrë Shqipërinë nga kriza që e ka prekur.
Basha tha se do të rikthejë taksën e sheshtë me 9%.
“E para prej më shumë se 2 vitesh bashkë me ekspertë është në punë për një program ekonomik real për ta nxjerrë vendin nga kriza. Këtu janë ekspertët më të njohur të Gjermanisë, dhe ekipi im , më i mirë që vendi ka. Nuk ka premtime për mrekullira, fallco, në këtë program. Ka zgjidhje reale e konkrete të zbatueshme. Në këtë program do veçoj 2 elementë, taksën e sheshtë 9%, element i panegociueshëm,” tha Basha.
