Të gjithë janë të mahnitur me suksesin e klubit të hendbollit Ferizaj në konkurrencën e femrave. Nuk ka më shumë se dy vite që u themelua Ferizaj dhe janë kampion të ri të Kosovës.
Ish zëvendësministri i Arsimit të Kosovës, Nehat Mustafa, përgëzon vashat ferizajase për suksesin dhe ka edhe një mesazh të fuqishëm.
“Urime kampionet tona. KHF “Ferizaj” – Histori e veçantë suksesi.
I formuar para vetëm dy vitesh, por i menaxhuar nga profesionist, ish sportistë e punëtor sportiv, KHF “Ferizaj” shpallet Kampion i Kosovës në hendbollin femëror.
Paradokset vazhdojnë…
FC “Ferizaj” , me “investitorët, shpëtimtar anglez” dhe i privatizuar në mënyrën më të egër, tanimë pothuaj edhe teoritikisht është i rënë nga Superliga.
KHF “Ferizaj”, pa investitorë “anglez” e pa “aksionar”, por i menaxhuar dhe udhëhequr nga ish sportistë të vërtetë shpallet Kampion.
Ferizaj, ky emër i përbashkët që pandershmërisht po turpërohet nga njëra ekip, e po lartësohet nga ekipi tjetër.
Xhavit Morina, Sami Çerkini, Hajrie Osmani, anëtarë të tjerë të kryesisë e të shtabit profesional dhe mbi të gjitha hendbolliste të KHF “Ferizaj”, Ju meritoni urime e respekt, prandaj: URIME E JU LUMTË!”, shkroi Mustafa në profilin e tij në facebook.
