Juventusi raportohet se është duke e menduar seriozisht marrëveshjen me Mauricio Pochettinon, që aktualisht është i papunë.
Zonja e Vjetër nuk është e kënaqur me punën që ka bërë Maurizio Sarri në këtë edicioni edhe pse janë afër të shpallen kampion për herë të nëntë me radhë në Serie A.
Ish-trajneri i Napolit dhe Chelseat thuhet se do t’i lirojë vendin Pochettinos që vlerësohet lartë nga kryesia e klubit torinezë, raporton La Stampa.
Juventusi ka kontaktuar me përfaqësuesit e trajnerit argjentinas dhe marrëveshja është shumë afër të arrihet.
Pochettino besohet se ishte afër të drejtonte klubin italian, para se Sarri të merrte drejtimin e skuadrës në verën e kaluar.
Vlen të përmendet se Juventusi nuk është i vetëm në garë për argjentinasin, pasi edhe Interi e mendon transferimin e tij.
