Marcello Lippi beson se Antonio Conte tashmë është një trajner i madh, ndërsa Gennaro Gattuso po bëhet një trajner i mirë.
Gattuso kaloi një fillim të vështirë për të fituar nëntë nga 15 ndeshjet e tij që nga zëvendësimi i Carlo Ancelottit në dhjetor, dhe Lippi ka shpresa të mëdha për trajnerin e Napolit.
“Conte është një trajner i madh, Gattuso është duke u bërë Gattuso”, ka thënë fillimisht Lippi për Gazzetta dello Sport.
“Ai është në rritje dhe ai e tregon atë te Napoli. Ai arriti në një moment të vështirë dhe pothuajse dukej si fundi i një epoke për ekipin, mes dëmtimeve dhe situatave të vështira”.
“Ai i bëri ata të luanin me mençuri, qetësi, qëndrueshmëri dhe madje edhe ngurtësi në sjelljen e tyre. Ne mund të shohim tani që është ekipi i Gattusos”.
“Fabio Cannavaro po bën shumë mirë në Kinë, ai po fiton. Ai dëshiron të kthehet në Itali në një moment: Mendoj se ai do të donte të trajnoj ekipin kombëtar një ditë”.
“Pastaj ka edhe të tjerë si Nesta, Inzaghi, Oddo … ka shumë prej tyre. Ata do të fitojnë përvojë dhe përfundimisht do të punojnë në Serie A”, përfundoi trajneri legjendar italian.
