Koeficienti për Tiranën është shumë i vogël.
Tirana, sido që të jetë, me shumë gjasë do të luajë në Ligën e Kampionëve. Gjithsesi, mungesa disavjeçare e bardhebluve në Europë ka sjellë pasoja, sepse koeficienti i tyre është ulur shumë.
Me llogaritjet e reja, bardheblutë në pesë sezonet e fundit grumbullojnë vetëm 1 pikë dhe duke shtuar edhe pikën e Shqipërisë, koeficienti do të jetë shumë i ulët. Kjo do të thotë se skuadra bardheblu do të jetë te ekipet jofavorite dhe do të përballet me kundërshtarë të vështirë.
Gjithsesi, për momentin është shpejt për të folur, pasi si fillim, ekipi i Egbosë duhet të mendojë të shpallet kampion dhe më pas të bëjë llogaritjet për Europën.
