Instituti i Shëndetit Publik, në një status në Facebook, ka këshilluar qytetarët që të bëjnë kujdes e të zbatojnë masat për të parandaluar përhapjen e Covid-19, duke e ulur distancën që deri dje thonin se duhet të jetë të paktën 1.5 apo 2 metra.
Sipas ISHP, e vetmja mënyrë për të ndaluar përhapjen e infeksionit është duke ruajtur distancën fizike prej të paktën 1 metër nga njëri- tjetri, si dhe duke u kujdesur për higjienën personale.
Mesazhi i Instituti i Shëndetit Publik
Parandaloni përhapjen e COVID-19 E vetmja mënyrë për të ndaluar përhapjen e infeksionit është duke ruajtur distancën fizike prej të paktën 1 metër nga njëri-tjetri, duke u kujdesur për higjienën personale dhe duke larë duart vazhdimisht, mbani maskat kudo ku mbajtja e distancës fizike nuk është e mundur, bizneset dhe institucionet të respektojnë protokollet e përcaktuara. Çdo rast i identifikuar pozitiv, duhet të vetëizolohet.
Po ashtu ISHP thekson:
▪Ruani distancën nga njëri tjetri; ▫Mbani maska ku nuk është e mundur të ruhet distanca; ▪Dezinfektoni shpesh sipërfaqet; ▫Bizneset dhe institucionet të zbatojnë protokollet e sigurisë; 👉🏻 Mbroni veten dhe të tjerët në mënyrë që të kufizojmë sa më shumë që të jetë e mundur përhapjen e COVID19. 🔴Mos neglizhoni asnjë shenjë të sëmundjes. Në rast se ju apo një i afërm i juaji keni shenja klinike të 🦠 COVID-19, telefononi në numrin e 🚑 Urgjencës Kombëtare 📞 127.
