Ish-kryetarja e Gjykatës së Lartë Shpresa Beçaj nuk ka arritur të kalojë në raundin e parë të Vettingut në Komisionin e Posaçëm të Kualifikimit.
Përballja e gjyqtares së Apelit me komisionerët e Vettingut nuk i ngjau asnjë përballjeje tjetër që nga nisja e procesit të pastrimit të drejtësisë më shumë se dy vite më parë.
Komisionerët e Vettingut nuk relatuan asnjë të dhënë për pasurinë, figurën apo profesionalizmin e ish-kryetares së Gjykatës së Lartë.
Sipas gjyqtarëve të KPK-së, Shpresa Beçaj nuk kishte dorëzuar asnjë nga tre formularët e vetëdeklarimit për llogari të Vettingut që çdo gjyqtar apo prokuror ka dorëzuar, as në afatin e parashikuar dhe as më pas.
Ajo nuk i kishte dorëzuar tre formularët, pasi gjatë afatit kohor të parashikuar nuk ushtronte detyrën e gjyqtares.
