Një shtetas shqiptar dyshohet se i ka dhënë fund jetës brenda makinës duke u vetëdjegur në Rodos, ndërsa trupi i tij u gjet në automjet këtë mëngjes. Viktima eshte një shtetas shqiptar 56 vjeç, babai i një fëmije të mitur.
Ai u gjet i vdekur në makinë rreth orës 06.00 në zonën e Kaminari, midis Malona dhe Haraki. Forcat speciale nga Departamenti i Zjarrfikësve dhe oficerët e policisë nga Drejtoria e Sigurisë Rodos dhe Departamenti i Policisë Archangel nxituan për në vendngjarje.
Automjeti është djegur plotësisht, ndërsa shoferi që dyshohet se është vetëdjegur është identifikuar vetëm me anë të faktit se kush e ka nën pronësi makinën. Hetuesit kanë gjetur të dhëna se 56-vjeçari ishte në vështirësi financiare dhe duket se kjo është arsyeja se përse ai ka vendosur t’i japë fund jetës.
Dyshohet se zjarri fillimisht ka qenë i vogël, ndërsa me shpejtësi ka prekur të gjithë pjesët e automjetit. Rezultatet e plota pritet që të dalin më vonë, pas kryerjes së autopsisë.
