Skuadra e Vushtrrisë është vendosur në rendin e skuadrave që nuk kanë dashur të rifillojë kampionati në elitën e futbollit kosovar.
Lajmi është bërë i ditur nga faqja zyrtare e klubit vushtrrias minuta më parë.
“Deshirojmë të informojmë publikun e gjërë, se ne si klub kemi qene kundër që të filloj rifilloj kampionati, sepse pas rrethanave të krijuara në lidhje me pandeminë COVID-19 kemi vlersuar se në rend të parë është në pyetje shëndeti i lojtarëve, dhe se dilemat tona kanë qenë pikërisht te menaxhimi i ndeshjeve me rregulla dhe kritere që duhet të plotësohen në këtë kohë”, ka shkruar faqja zyrtare e Vushtrrisë.
Deri te këto reagime ka ardhur si shkak i rastit të parë me koronavirus i regjistruar te futbollisti i Dritës, Izair Emini.
Kujtojmë, gjitha skuadrat kosovare po i nënshtrohen testit për koronavirus para fillimit të kampionatit dhe garës së Kupës në fillim të muajt qershor.
