Ditë tepër të ngjeshura për presidentin Claudio Lotito që përveçse po bën një betejë të madhe për rifillimin e kampionatit, i duhet të bindë skuadrën për reduktimin e pagave.
Ditën e sotme pati një takim me të gjithë skuadrën e tij, ku për 2 orë u debatua shumë në lidhje me zbritjen e pagave, por në fund asnjë marrëveshje nuk u arrit.
Lotito kërkon zbatimin e heqjes së dy pagave nëse rifillon kampionati dhe katër pagave nëse mbyllet, mirëpo lojtarët nuk dëshirojnë të privohen nga rrogat e tyre.
Lojtarët madje kanë dalë tepër të tensionuar nga ky takim, raporton “SportMediaset”, i cili shton që një tjetër takim pritet të ndodhë mbi këtë çështje.
